ပညာသိပ္ပံ ဘုန်းတော်ကြီးသင်ကျောင်းဟာ မရမ်းကုန်းမြို့နယ် (၈) ရပ်ကွက် ရေကူးဘူတာရုံလမ်း မှာ တည်ရှိပါတယ်။ ကျောင်းမှာ ကျောင်းအိပ်ကျောင်းစား ကိုလေးငယ်များဟာ ကိုရင်အဖြစ်ရပ်တည် ပညာသင်ကြား ကြပါတယ်။ ကျောင်းနေ ကိုရင်ကလေးငယ် ၈၀နဲ့ ကလေးငယ် ၂၀နီးပါး ၊ စုစုပေါင်း ၁၀၀နီးပါးရှိပါတယ်။
ရပ်ကွက်အတွင်းမှ ပညာသင်ကြားသူ ကလေးငယ်ပေါင်းက ၃၆၅ယောက်ရှိပြီး စုစုပေါင်း စာသင်သားကလေးငယ် ၄၆၅ယောက်ရှိပါတယ်။ ကျောင်းအတွင်းမှာ ကျောင်းထိုင်ဆရာတော်ရဲ့ သတင်းသုံးရာ အုတ်တ၀က်၊ပျဉ်တစ်ဝက် နှစ်ထပ်ကျောင်း ဆောင်တစ်ခု၊ နှစ်ထပ်သိမ်ကျောင်းဆောင်တစ်ခု၊ အာစီနှစ်ထပ်ကျောင်းဆောင်ရှည်ကြီးတစ်ခု၊ ရေချိုးအုတ်ကန်နှစ်ခု၊ ငါး ခန်းတွဲအိမ်သာတစ်ခုရှိပါတယ်။
ကလေးစာသင်ကျောင်းခန်းအဖြစ် နှစ်ထပ်ကျောင်းဆောင်ရှည်ကြီးမှ အခန်း ၃ခန်း၊ ကျောင်းထိုင်ဆရာတော်၏ အောက်ထပ်မှ ဟောခန်းရှည်ကို နှစ်ပိုင်းပို်င်းပြီး စာသင်ခန်း၂ခုအဖြစ်ဖန်တီးထားပါတယ်။ ကျောင်းစာသင်ကလေးငယ်ဦးရေနဲ့ ကျောင်းစာသင်ခန်းအရေအတွက် မမျှလို့ စာသင်ချိန်များကို ညှိနှိုင်းသင်ရတာ ဖြစ်လို့ ကလေးငယ်များရဲ့ စာသင်ချိန်မပြည့်ဝတာမျိုးတွေ ဖြစ်ရတာတွေလည်း ရှိတယ်လို့သိရပါတယ်။
အဓိက ပြဿနာ ကတော့ ကလေးငယ်၄၆၅ဦး၊ ဆရာတော်များ၊ ဦးပဇင်းများနဲ့ ကိုရင်ငယ်များအတွက် အိမ်သာမလုံလောက်တဲ့ပြဿနာ လို့သိရပါတယ်။ စာအုပ်စာတမ်းအနေနဲ့ နှစ်စဉ်လိုအပ်တာဖြစ်လို့ အလှူရှင်မရှိရင် ကျောင်းအုပ်ဆရာတော်က သင့်သလိုဖြေရှင်းလို့ရပေမယ့် အိမ်သာပြဿနာကတော့ ဒီနေ့ထိ ရှိနေတုန်းပါပဲလို့ ... ကျောင်းတာဝန်ခံဆရာမ ဒေါ်နီနီထွန်းက ပြောကြားခဲ့ပါတယ်။
မိန်းကလေးအိမ်သာအဖြစ် အိမ်သာငါးလုံးလောက် ဆောက်လုပ်နိုင်လျှင် များစွာအဆင်ပြေသွား မှာပါပဲလို့ ကျောင်းရဲ့ အလိုအပ်ဆုံးအရာကို ပြောပြခဲ့ပါတယ်။ ကူညီသော လက်များအနေနဲ့ တကယ့်လိုအပ်ချက် ဟုတ်မဟုတ်ကို အသေအချာလေ့လာခဲ့ပြီး ဓါတ်ပုံ မှတ်တမ်းများလဲ ရယူခဲ့ပါတယ်။ ဖိုရမ်မန်ဘာများ၊ အလှူရှင်များအနေနဲ့ ပညာသိပ္ပံ ဘ/ကကျောင်းရဲ့ သန့်ရှင်းရေးအိမ်သာ ဆောက်လုပ်လှူဒါန်းခြင်း အလှူကို စိတ်ဝင်စားမယ်ဆိုရင်ဖြင့် ကူညီသောလက်များအဖွဲ့ကို ဆက်သွယ်လှူဒါန်း နိုင်ကြောင်း ကလေးများအကျိူးမျှော်လို့ နှိုးဆော်အပ်ပါတယ်။
အိမ်သာတစ်လုံးဆောက်လုပ်ရန် ကုန်ကျစရိတ် အသေးစိတ်ကို ဒီမှာ ကြည့်နိုင်ပါတယ်ရှင်။
No comments:
Post a Comment